Çfarë ofrojmë

STEAM Fab Lab

"STEAM Fab Lab", është një punishte e specializuar fabrikimi dhe testimi, pajisur me mjete, makineri dhe teknologji të ndryshme për qëllimin e krijimit dhe prototipit të objekteve, produkteve dhe pajisjeve innovative teknologjike. Ky laborator është I hapur për individë, shpesh duke përfshirë studentë, hobistë, sipërmarrës dhe profesionistë, të cilët janë të interesuar të dizajnojnë dhe ndërtojnë një gamë të gjerë artikujsh, nga pajisjet elektronike deri te krijimet artistike. Steam Fab Lab ofron burime të vlefshme për nxitjen e inovacionit, duke mundësuar prototipimin e shpejtë dhe inkurajimin e një shpirti DIY midis pjesëmarrësve.

RRJETI GLOBAL

Fab Labs ështe pjesë e lëvizjes më të gjerë të krijuesve ne rend global dhe eshtë I njohur për promovimin e inovacionit, kreativitetit dhe mësimit praktik.

Akses në Mjetet e Prodhimit

Printera 3D për krijimin dhe prodhimin e objekteve tridimensionale dhe Makineri CNC për realizimin e prerjeve të ndryshme me kontroll numerik të kompjuterizuar

Hapësira Pune

Ambient i dedikuar dhe i kompletuar me tavolinë pune, lidhje energjie dhe mjete për punën në projekte.

Trajnim dhe Workshope

Sesione trajnuese për mësimin e përdorimit efiçent dhe të sigurt të pajisjeve dhe Workshope të kombinuara teoriko-praktike bazuar në STEAM+

Komuniteti dhe Bashkëpunimi

Komuniteti bashkëpunues dhe mbështetës për anëtarët të ndajnë dije dhe përvoja dhe Evente në rrjet, takime, dhe forume për anëtarët për të krijuar rrjete profesionale.

Programet Edukative

Programe dhe Nisma për edukatorët, mësuesit, drejtuesit e shkollave, nxënësit, studentët, profesionistët dhe industria, për të përmirësuar edukimin dhe për të mbështetur praktikisht ealizimin e projekteve STEAM+.

Evente dhe Konkurse

Organizimi i Panaireve STEAM, Hackathon-ve, aktiviteteve të tjera të nxënësve, talente dhe konkurseve për të stimuluar kreativitetin dhe promovimi dhe prezantimi kudo i projekteve të realizuara.

Opsionet e Anëtarësimit

Mundësi anëtarësimi me nivele të ndryshme interesi si në varësi të shpeshtësisë së përdorimit ashtu dhe për nga lloji i shërbimeve të kërkuara.

Projektet Bashkëpunuese

Puna e përbashkët në grup në mbështetjen e realizimit të iniciativave dhe projekteve të mëdha dhe ndërtimi i i një platforme për bashkëpunim ndërdisiplinor.

Asistenca Teknike

Ndihmë teknike për zgjidhjen e problemeve me pajisjet ose projektet dhe udhëzime në zgjedhjen e materialeve dhe ekzekutimin e projekteve.

PAJISJET DHE VEGLAT

Laboratori ynë Steam FabLab është i pajisur me pajisje dhe makinari të teknologjisë së fundit që fuqizojnë krijuesit të sjellin vizionet e tyre në realitet. Pajisjet e ofruara në Steam Fab Lab përfshijnë dy lloje të ndryshme printerësh 3D, ku në total janë 5 copë , një Vinyl Cutter, makineri frezimi CNC , skanerë 3D dhe paisje elektronike si, Oscilloscope, Transistor Tester, Multi Meter Automatic Checker Detector, Waveform generator Rigol DG 822 etj.

Lista e Pajisjeve